BE.299 Logu no.86
DEBATA DO MANGGOMGOMI

Ayat 1
Debata do manggomgomi Langit dohot tanoon
Haholomon digomgomi Dohot hatiuron on
Dirajai tanganNa i Nasa na tinompa i.

Ayat 2
Sai hupuji ma goarMu Ala niramotanMi
Tondi dohot pamatangku Sonang au na borngin i
Ndang na saut tinahi ni Musungki sibolis i.

Ayat 3
Sai padao ma sian ahu Saluhutna dosangki
Ai marhaporusan ahu Tu bugangMu Jesuski
I do pangondinganki Maradophon rimasMi.

Ayat 4
Sai sungguli ma tondingku Asa hehe dohot i
Jala haringkothononku Hangoluan sogot i
Asa unang ariMi Manonggoti rohangki.

Ayat 5
Togu au ale Tuhanku Mangihuthon hataMi
Sai pature ma langkangku Asa tung hasea i
Sai ramoti ma au on Asa sonang rohangkon.

Ayat 6
Tondi dohot pamatangku Roha dohot gogongki
Hupasahat tu tanganMu Debata na sangap i
Jangkon au naposoMon Ai di Ho hian au on.

Ayat 7
Dokkon surusuruanMu Manundati tahi ni
Na mangago dompak ahu Asa bulus langkangki
Jala usungonna pe Au tu lambungMi muse.
